Непосредно, западно од населбата Оровник, на најзиниот атар е меѓународниот аеродром „Охрид“.

С. Оровник се наоѓа во Струшката котлина, на брегот од Охридското езеро, а административно припаѓа на општина Дебарца. Со новата територијална поделба од 2005 год на селото му е направена голема неправда од страна на македонските законодавци така што атарот на селото е поделен на две општини (единици на локалната самоуправа) Охрид и Дебарца. На што се должи сето ова никој во селото не може да добие објаснување од државните органи. Се „шушка“ дека извонредно географски - поволната положба на селото сака да се подели, така што атрактивниот дел би го задржала општина Охрид (како привилегија и осигурување на доминација врз природните убавини на Охридското езеро), а додека останатиот ридски и планински предел би и припаднал на „селската општина“ Дебарца. Селото Оровник е населба самата за себе. Таа, не е ниту од Охрид, ниту од Дебрца, селскиот атар му припаѓа на Оровничани кои се и газди на тие имоти. Ниту поранешна СФРЈ за 50 години не успеа да го промени законот за „Катастарски Општини од 1937 год“, а уште помалку оваа власт може тоа да го направи, едноставно што тој закон е праведен и е отсликува реалната состојба. Власта, посебно  законодавците треба навреме да ја исправат оваа грешка и да го вратат достоинството на селото, а тоа е целата територија на КО – Оровник, односно населбите Оровник и Подмоље да припаѓаат во една општина, за да може жителите на тие села сами да одлучуваат за својот заеднички имот.